มหาวิทยาลัยมหามกุฎราชวิทยาลัย วิทยาลัยศาสนศาสตร์ยโสธร
โอ้ เฮา โอ่ พวกเซิ้ง เฮาโอ่ โอมพุทโธ นโมเป็นเค้า
ลูกสิเว้า เรื่องเก่า โบราณ สืบตำนาน อีสาน บ้านเกิด
ฮีตคองเลิศ แม่นเมืองยโสธร เป็นตาออนซอน ประเพณียิ่งใหญ่
บุญบักใหญ่ บั้งไฟหมื่น ไฟแสน ซ่าทั่วแดน เมืองไทย เมืองเทศ
ย่อนต้นเหตุ นำฟ้านำฝน หมู่เมืองคน เฮ็ดนาเฮ็ดไฮ่
ดินแห้งไง่ ฝนบ่โฮยฮำ ข้าวปักดำ ตายพายวายวอด
ตายไปฮอด กล้วยอ้อย ส่อยปลี ปฐพี พากัน เดือดฮ้อน
จั่ง ได้ฟ้อน ขอฟ้าขอฝน พร้อม สู่คน ทั่วหน้าดาษดื่น
เฮ็ดบั้งไฟหมื่น ถวยเทพถวยแถน บั้งไฟแสน จุดถวยเทพไท้
เพิ่น จั่งให้ ฝนหลั่งลงมา ชาวประชา บ่อึดบ่อยาก
บ่ทุกข์บ่ยาก หาอยู่หากิน มีทรัพย์สิน ในดินในน้ำ
หัตถกรรม ผ้าขิดผลิตส่ง เต็มนาเต็มท่ง ข้าวมะลิหอมหวล
พืชไฮ่ พืชสวน เห็ดหาวฮาวป่า ทั้งส้มปลา ทั้งข้าวลอดช่อง
พี่ และน้อง คองฮีตคองธรรม พ่อเมืองนำ พัฒนาตุ้มไพร่
สานต่อไว้ เป็นประเพณี ของได๋ดี ลูกหลานสืบต่อ
คณะ มมร. ยโสธรมาฮ่วม เพื่อ มาร่วม มาสืบมาสาน
สร้าง ตำนาน บุญบั้งไฟม่วน พอสมควร ขอจบไว้ก่อน
เจ้าผู้แก้มอ่อนๆ ขอลาไปก่อนเดอ......
ค้นหาทุกอย่างในเว็บครูบ้านนอก :
